Год назад у Парламенце Малдовы была створана група “За дэмакратычную Беларусь”. Як ўзгадвае Анатоль Лябедзька, ініцыятар стварэння дэпутатскага аб’яднання “гэта цягне калі не на раман, то, дакладна, на апавяданне з інтрыгай,. Дэбаты на пленарным паседжанні талы доўжыліся паўтары гадзіны. А пад час галасавання за стварэнне групы, камуністы і сацыялісты, на чале з былым прэзідэнтам Вароніным, дэманстратыўна пакінулі залу.

І вось праз год мы зноў сустрэліся з дэпутатамі групы ў парламентскай бібліятэцы. Размова з удзелам элект-прэзідэнта Святланы Ціханоўскай. Гэта была сустрэча з градусам цеплыні, шчырасці, адкрытасці блізкай да любові. Скажу шчыра, я даўно не чуў ад нас беларусаў столькі словаў падтрымкі, веры, надзеі, павагі колькі ад малдаванаў. Як сказала адна з дэпутатак, мы маленькая краіна але з вялікім сэрцам. І гэта сэрца любіць Вас!

Нашы, сябры, асабліва перажываюць за тых беларусаў хто ўараз у турме. Бо добра ведаюць што такое савецкая турма. Супольна зладзілі акцыю падтрымкі беларускіх палітвязняў. Дэпутаты выказалі жаданне 13 лістапада, з партрэтамі палітвязняў, прыйсці да беларускай амбасады ў Кішыневе. І гэта будзе гістарычная падзеі, бо нічога падобнага не было з дня адкрыцця дыпрадстаўніцтва”.

Таксама Анатоль Лябедзька паведаміў, што пад час сустрэчы абмяркоўваліся тэмы “супрацы у міжнародных, парламентскіх арганізацыях, супрацьдзеянне расейскай прапагандзе, супраца з беларускай дыяспарай у Малдове”.