Жазэп Барэль запрасіў Святлану Ціханоўскую выступіць перад міністрамі замежных справаў краінаў Еўрасаюзу на тэму стратэгіі па Беларусі.

Святлана Ціханоўская і кіраўнік еўрапейскай дыпламатыі Жазэп Барэль правялі перамовы падчас Саміту еўрапейскай палітычнай супольнасці ў Гранадзе. Яны абмеркавалі наступную сесію Кансультатыўнай групы ЕС-Беларусь, якая адбудзецца ў снежні ў Брусэлі.

Беларуская лідарка заклікала Барэля прызначыць спецпасланніка ці каардынатара па Беларусі. «Нам неабходна разам выпрацаваць агульную стратэгію ЕС па Беларусі і працаваць у яе межах», – падкрэсліла Ціханоўская.