Дарадца Ціханоўскай распавёў, аб чым на Генасамблеі ААН Макей размаўляў з прадстаўнікамі Захаду

Вячорка адзначыў, што Макей сапраўды сустракаўся з прадстаўнікамі заходніх краінаў, але сустрэчы былі не публічнымі.

«Суразмоўцы адмовіліся ад публічных сустрэч, бо для іх гэта пытанне рэпутацыі», – піша Франак.

Некалькі тэмаў, якія, уздымаў Макей:

✔️ «Перагарнуць старонку. Намёкі, што трэба ратаваць Лукашэнку ад Расеі. Іначай адбудуцца рэферэндумы, як ва Украіне

✔️Просьбы зняць санкцыі з калійнай галіны. Абгрунтаванне: голад у свеце. І людзі не павінны цярпець праз санкцыі.

✔️Абяцанне павольна вызваляць палітвязняў пры ўмове, што не будзе ціску. Нібыта ўжо 35 вызваленыя (мабыць гаворка пра тых, у каго скончыліся тэрміны)

✔️Беларусь можа стаць медыятарам паміж Украінай і Расеяй», – расказаў Франак.

Ён адзначыў, што пазіцыя Офісу прынцыповая: «Вызваленыя павінны быць усе, а не 5 ці 30; расейскія войскі выведзеныя з нашай тэрыторыі».

Толькі тады можна будзе весці дыялог.